jetzt amoi a Kommentar von am Urbayern zu dem Ganz´n.
Ois eingeborener Schlierseer (ja, do wo da Wasi herkummt) muas i song, daß am Wochenend da Weißwurschtäquator scho bei da Autobahnausfahrt Weyarn is.
Do kannst nämlich de ganzn Münchner scho daschiassn, weils olle in unser heiligs Schigebiet, an Spitzing auffetreibn. Am Sudelfeld is´ ned anders.
Leider konnst am Wochenend ois Einheimischer bei uns nimma Schifahrn, weils di bei uns datrettn, de Münchner.
Wennst ab 4e Nachmiddog in Richtung Norden muast, dann stähst 2 Stund im Stau.
Luja sog i....
Aber, bevor mi jetz no a Münchner daschlogt:
Freilich kennt´s weiderhin bei uns Oberlandler Skifahrn.
Mir Oberlandler redn hoid gern amoi a bisserl bläd daher.
Bsonders über de vo Minga de ned boarisch redn kenna.
Wo da Weißwurschtäquator unter da Woch is, is ma eigentlich ziemlich Wurscht. Des glab i schaud für jedn anders aus.
Aber am Wochenend, do is er ganz sicher an da Autobahnausfahrt Weyarn, des is gwies.
Nix für unguad....
Gruas aus´m Oberland
Tom
PS: Für die, die nicht der bayrischen Sprache mächtig sind, übersetze ich das ganze gerne auf Hochdeutsch. Bitte mail an mich.
